Нашата приказна
Започнавме со работа во 1994. година во салон на само 80 m2 и неколку вработени. Со постојана грижа за купувачите, зголемување на асортиманот, успеавме да ја заслужиме нивната доверба што резултираше и со зголемен обем на работа и проширување на компанијата. Во 2004. година се преселивме во сопствени простории на преку 2.500 m2.
Низ годините „Гир Риг“ прерасна во општествено одговорна компанија која е нераскинлив дел од животот на градот – години на посветеност и грижа за потрошувачите и продажба на најквалитетни производи.
Во 2009. година компанијата отвори салон во Битола каде по многу кратко време беше препознаена како сериозен партнер. Во 2011. година „Гир Риг“ беше прогласен за најпопуларен салон за мебел на територијата на Битола. Компанијата денес поседува модерен салон во Битола на преку 500 m2.
Веќе во 2018 година започнуваме со производство на сопствен, висококвалитетен плочест мебел, под брендот Happy House. Од мала, семејна работилница за изработка на мебел пораснавме во бренд кој во секое време е спремен во својата фабрика да понуди асортиман од околу 150 различни модели на шкафови, плакари, фиокари, кујни, полици, дневни соби, комоди, како и комплетен мебел за спални соби.
Готовите производи понатаму ги складираме во сопствени магацини, а процесот на изработка на мебелот од нашиот бренд, од суровина до испорака внимателно го набљудуваме и гарантираме за секое парче мебел кое излегува од нашата фабрика.
Нашата интенција е секогаш да бидеме што е можно поблиску до купувачите и адекватно да одговориме на нивните желби и потреби за квалитетен мебел по пристапни цени во своите домови.
Ваш „Гир Риг“
СЕРТИФИКАТИ
ISO 9001:2015
ISO 1401:2015
НАШИТЕ СЕРВИСИ
Плаќање на рати
Бесплатна достава
Онлајн поддршка
